قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №702

  2015 جىلعى 19 قاراشا,  استانا قالاسى عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ قاعيدالارىن بەكىتۋ تۋرالى «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسى زاڭىنىڭ 20-بابىنىڭ 6-7) تارماقشاسىنا سايكەس بۇيىرامىن: 1. قوسا بەرىلىپ وتىرعان عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ رەسمي ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ە.دوساەۆ قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 19 قاراشاداعى №702 بۇيرىعىمەن بەكىتىلگەن عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ قاعيدالارى 1. جالپى ەرەجەلەر 1. وسى عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ ءتارتىبىن رەگلامەنتتەيدى. 2. وسى قاعيدالاردا زاڭ مەن ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەردە انىقتالعان ۇعىمدار پايدالانىلادى. 2. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋدى ۇيىمداستىرۋ 3. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ: 1) بۇزىلۋدىڭ قاۋىپتىلىگىن بىلدىرەتىن جاۋاپتى (تىرەۋىش) ەلەمەنتتەرى مەن قوسىلۋلاردىڭ اقاۋلارى مەن ب ۇلىنۋلەرى, قولدانىلعان قۇرىلىس ماتەريالدارىنىڭ ساپالىق كورسەتكىشتەرگە سايكەس كەلمەيتىندىگى انىقتالعان; 2) ءورتتىڭ جانە دۇلەي ءزىلزالانىڭ سالدارلارى; 3) مەملەكەتتىك ساۋلەت-قۇرىلىس باقىلاۋ جانە قاداعالاۋ ورگاندارى نۇسقاما بەرگەن; 4) عيماراتتار مەن قۇرىلىستاردىڭ كونسترۋكتيۆتىك سحەماسى, ءوندىرىس تەحنولوگيالارى وزگەرىستەرىنە بايلانىستى بەكىتىلگەن جوبالىق شەشىمدەر وزگەرگەن; 5) عيماراتتاردىڭ, قۇرىلىستاردىڭ نورماتيۆتىك پايدالانۋ مەرزىمدەرى اياقتالعان; 6) جوندەۋدىڭ جانە رەكونسترۋكتسيالاۋدىڭ ەكونوميكالىق تۇرعىدان ورىندىلىعىن ايقىنداعان; 7) نورمالاناتىن تابيعي-كليماتتىق اسەر (قاردىڭ, جەلدىڭ اسەرى) ۇلعايعان; 8) عيماراتتار مەن قۇرىلىستاردىڭ تەحنيكالىق تۇرعىدان پايدالانۋ (تۇراقتى تۇردە) كەزىندە قۇرىلىستاردىڭ تەحنيكالىق تەكسەرىپ قاراۋ مەرزىمدەرىنىڭ باستالۋى; 9) سالىنىپ جاتقان وبەكت قۇرىلىسىن كونسەرۆاتسيالاۋ نە التى ايدان استام مەرزىمگە توقتاتا تۇرعان; 10) پايدالانىپ وتىرعان ءۇي-جاي نەمەسە قۇرىلىستى جاڭعىرتۋ, رەكونسترۋكتسيالاۋ, قايتا جاراقتاۋ, ولاردىڭ نىسانالى ماقساتى وزگەرگەن جاعدايلاردا جۇرگىزىلەدى. 4. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ تەحنيكالىق تاپسىرماعا سايكەس عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ جۇزەگە اسىرۋعا ارنالعان شارتقا (بۇدان ءارى – شارت)سايكەس جۇزەگە اسىرىلادى. 5. تاپسىرىس بەرۋشى عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ قۇقىعىنا ءتيىستى اتتەستاتى بار ساراپشىنى (بۇدان ءارى – ساراپشى) نە قۇرامىندا اتتەستاتتالعان ساراپشىلارى بار اككرەديتتەلگەن ۇيىمدى (بۇدان ءارى – ۇيىم) تارتقان كەزدە وسى قاعيدالاردى, قازاقستان رەسپۋبليكاسىنىڭ باسقا دا نورماتيۆتىك قۇقىقتىق اكتىلەرىن جانە ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتەر جانە شارتتىڭ تالاپتارىن باسشىلىققا الادى. 3. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرۋ 6. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇرگىزۋ كەزىندە ساراپشى نە ۇيىم مىناداي فۋنكتسيالاردى جۇزەگە اسىرادى: 1) تاپسىرىس بەرۋشىدەن تەكسەرۋدىڭ باستاپقى دەرەكتەرىن: قولدانىستاعى جوبالاۋ-سمەتالىق قۇجاتتامانى, ساراپتامالىق قورىتىندىسىن, ينجەنەرلىك-گەولوگيالىق ىزدەنىستەر جونىندەگى قورىتىندىنى, اتقارۋشىلىق-تەحنيكالىق قۇجاتتامانى, رۇقسات بەرۋ قۇجاتتاماسىن, قۇقىق بەلگىلەيتىن قۇجاتتاردى سۇراتادى; 2) اقاۋلاردى سۋرەتكە ءتۇسىرىپ, قاراپ تەكسەرۋ جۇرگىزەدى; 3) تاپسىرىس بەرۋشى وبەكتىنى تەحنيكالىق زەرتتەپ-قاراۋدى دايىنداۋ بويىنشا بارلىق قاجەتتى ءىس-قيمىلداردى ۇيىمداستىرۋى جانە ورىنداۋى ءۇشىن تىرەۋ كونسترۋكتسيالارىن قاجەتتى اشۋ ورىندارى بار ءىس-قيمىلدار باعدارلاماسىن تاپسىرىس بەرۋشىگە ۇسىنادى; 4) ۇسىنىلعان باستاپقى دەرەكتەردى الدىن الا زەردەلەۋ مەن تالداۋدى جۇرگىزەدى; 5) نەگiزگى تىرەۋ جانە قورشاۋ كونسترۋكتسيالارىنا, ونىڭ ىشىندە نەگىزدەمەلەر مەن iرگەتاستارعا ەگجەي-تەگجەيلى اسپاپتىق تەكسەرۋ جۇرگىزەدى; 6) ەگجەي-تەگجەيلى اسپاپتىق زەرتتەپ-قاراۋ جۇرگىزگەن كەزدە اككرەديتتەلگەن مامانداندىرىلعان زەرتحانانى تارتادى; 7) زەرتتەپ-قاراۋ جاتقان بۇكىل وبەكتى مەن ونىڭ كونسترۋكتسيالىق ەلەمەنتتەرىنىڭ نورماتيۆتىك تالاپتاردان اۋىتقۋلارىن انىقتاۋ ءۇشىن ولاردىڭ ينجەنەرلىك-گەودەزيالىق ءتۇسىرىلىمىن جۇرگىزەدى; 8) وبەكتىلەردە قولدانىلاتىن قۇرىلىس ماتەريالدارىنىڭ, كونسترۋكتسيالارى مەن بۇيىمدارىنىڭ ساپاسىن تەكسەرەدى, ولاردىڭ قازاقستان رەسپۋبليكاسىندا قولدانىستاعى ستاندارتتار مەن باسقا دا نورماتيۆتىك تەحنيكالىق قۇجاتتارعا سايكەس زەرتحانالىق سىناقتارىن ۇيىمداستىرادى جانە ساپاسىن راستايتىن قۇجاتتاردىڭ (تەحنيكالىق پاسپورتتار, سەرتيفيكاتتار, زەرتحانالىق سىناقتاردىڭ قورىتىندىلارى جانە باسقالارى) بار-جوعىن تەكسەرەدى; 9) زەرتتەپ-قاراۋ بارىسىندا الىنعان ناتيجەلەرگە زەردەلەۋ جۇرگىزەدى; 10) زەرتتەپ-قاراۋ بارىسىندا الىنعان ناتيجەلەر مەن زەرتحانالىق دەرەكتەردى ەسكەرىپ, ۇسىنىلعان باعدارلامالىق كەشەندەردە عيماراتتى (قۇرىلىستى) تەكسەرۋ ەسەبىن جۇرگىزەدى; 11) بارلىق الىنعان دەرەكتەرگە ينجەنەرلىك تالداۋ جۇرگىزەدى (كونسترۋكتسيالاردىڭ جۇمىس ىستەۋ قابىلەتى ساناتىن ايقىنداي وتىرىپ, باستاپقى دەرەكتەردى, تەكسەرۋ ناتيجەلەرى مەن تەكسەرۋ ەسەپتەرىن تالداۋ); 12) وبەكتىنىڭ ناقتى دەرەكتەرى بويىنشا قاجەتتى قوسىمشالارى (جوسپارلار, بولىنىستەر, تىرەۋ كونسترۋكتسيالارىنىڭ اتقارۋشىلىق ءتۇسىرىلىمى, سۋرەتقوسىمشا, زەرتحانا حاتتامالارى, راستايتىن ماتەريالدار) بار, وبەكتىنىڭ سەنىمدىلىگى مەن ورنىقتىلىعىنا جۇرگىزىلگەن تەحنيكالىق زەرتتەپ-قاراۋ ناتيجەلەرى تۋرالى قورىتىندى جاساپ, جۇرگىزىلگەن تەحنيكالىق زەرتتەپ-قاراۋدى ينجەنەرلىك تالداۋ ناتيجەلەرى بويىنشا ساراپتامالىق قورىتىندى جاسايدى; 13) جاسالعان قورىتىندىلاردىڭ نەگىزىندە قاجەتتى كونسترۋكتسيالاردى كۇشەيتۋ (قالپىنا كەلتىرۋ) جونىندە ۇسىنىمدار ازىرلەيدى; 14) وبەكتىگە قاجەتتى كونسترۋكتسيالاردى كۇشەيتۋ (قالپىنا كەلتىرۋ) بويىنشا ۇسىنىمدار مەن تۇجىرىمدار بار وبەكتىنى تەحنيكالىق زەرتتەپ-قاراۋ جونىندەگى ساراپتامالىق قورىتىندىنى تاپسىرىس بەرۋشىگە بەرەدى. 7. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىراتىن تۇلعالاردىڭ: 1) سالىنىپ جاتقان نەمەسە سالىنعان وبەكتىگە ەركىن كىرۋگە; 2) تاپسىرىس بەرۋشىدەن تەحنيكالىق زەرتتەپ-قاراۋ بويىنشا جۇمىستى ورىنداۋ ءۇشىن قاجەتتى بارلىق جوبالاۋ-تەحنيكالىق جانە اتقارۋشىلىق قۇجاتتامانى الۋعا; 3) وبەكتىنىڭ تولىق ازىرلىگى بويىنشا تەحنيكالىق زەرتتەپ-قاراۋعا كىرىسۋگە; 4) تەحنيكالىق زەرتتەپ-قاراۋدى جۇرگىزۋ ءۇشىن قاجەتتى بارلىق جۇمىستى ورىنداۋعا قۇقىعى بار. 8. تاپسىرىس بەرۋشى عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇزەگە اسىرعان كەزدە ساراپشىلارعا نەمەسە ۇيىمعا تولىق تەحنيكالىق جاردەم كورسەتەدى. 9. جۇمىس ىستەپ تۇرعان كاسىپورىن جاعدايىندا عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى جۇرگىزگەن كەزدە زەرتتەپ-قاراۋدى ورىندايتىن ساراپشىلار وسى وبەكتىدە قولدانىستاعى ارنايى تەحنيكالىق قاۋىپسىزدىك قاعيدالارى تۋرالى نۇسقاۋ الۋعا ءتيىس. 10. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ بويىنشا ساراپتامالىق جۇمىستاردى ورىنداۋ مەرزىمى شارتپەن ايقىندالادى جانە مىناداي: - تەحنيكالىق تۇرعىدان كۇردەلى ەمەس وبەكتىلەر ءۇشىن كۇنتىزبەلىك وتىز كۇننەن; - ءبىرىنشى جانە ەكىنشى جاۋاپكەرشىلىك دەڭگەيلەرىندەگى بىرەگەي جانە تەحنيكالىق كۇردەلى وبەكتىلەر ءۇشىن كۇنتىزبەلىك الپىس كۇننەن; - ءبىرىنشى جاۋاپكەرشىلىك دەڭگەيىندەگى وندiرiستiك ماقساتتاعى بىرەگەي جانە تەحنيكالىق تۇرعىدان كۇردەلى وبەكتىلەر ءۇشىن كۇنتىزبەلىك ءبىر ءجۇز جيىرما كۇننەن اسپايدى. 11. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋدى ورىندايتىن ساراپشى جۇرگىزىلەتىن زەرتتەۋلەردىڭ ساپاسىنا, شىعارىلعان شەشىمدەردىڭ دۇرىستىعىنا جانە ازىرلەنگەن ۇسىنىمداردىڭ تولىقتىعىنا زاڭنىڭ 34-4-بابىنىڭ 11-تارماعىنا سايكەس جاۋاپتى بولادى. 12. ساراپشىلاردىڭ تەحنيكالىق زەرتتەپ-قاراۋ ناتيجەلەرى بويىنشا بارلىق قورىتىندىلارى مەن نۇسقاۋلارى تاپسىرىس بەرۋشىنىڭ ورىنداۋى ءۇشىن مىندەتتى بولىپ تابىلادى. 13. عيماراتتار مەن قۇرىلىستاردىڭ سەنىمدىلىگى مەن ورنىقتىلىعىنا تەحنيكالىق زەرتتەپ-قاراۋ جۇرگىزۋ بارىسىندا ساراپشىلاردىڭ كاسىبي قىزمەتىنە ارالاسۋعا بولمايدى. 14. عيماراتتار مەن قۇرىلىستاردىڭ سەنىمدىلىگى مەن ورنىقتىلىعىن تەحنيكالىق زەرتتەپ-قاراۋ جۇزەگە اسىراتىن تۇلعا ءوز مىندەتتەرىن ورىنداماعانى (تيىسىنشە ورىنداماعانى) نە قىزمەتىن جۇزەگە اسىرماعانى ءۇشىن قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىقتا بولادى. 4. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ جونىندەگى ساراپتامالىق قورىتىندىعا قويىلاتىن تالاپتار 15. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ جونىندەگى ساراپتامالىق قورىتىندى مىنالاردى قامتۋعا ءتيىس: 1) مۇقابا پاراق (ورىنداۋشى ۇيىمنىڭ اتاۋى, وبەكتىنىڭ اتاۋى, كىم بەكىتەدى, تىركەۋ ءنومىرى); 2) قورىتىندىنىڭ مازمۇنى; 3) تەحنيكالىق زەرتتەپ-قاراۋ جۇرگىزۋ ءۇشىن نەگىزدەمە (شارتتىڭ ءنومىرى مەن كۇنى, عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق تەكسەرۋگە ارنالعان تەحنيكالىق تاپسىرما); 4) زەرتتەپ-قاراۋعا تاپسىرىس بەرۋشىنىڭ ۇسىنعان باستاپقى دەرەكتەرىنىڭ تىزبەسى; 5) زەرتتەپ-قاراۋ جۇرگىزىلىپ جاتقان وبەكتىنىڭ ورنالاسقان الاڭى بويىنشا جالپى سيپاتتاما (ورنالاسقان الاڭنىڭ, كليماتتىق جاعدايلاردىڭ, الاڭنىڭ ينجەنەرلىك-گەولوگيالىق جاعدايلارىنىڭ سيپاتتاماسى); 6) كولەمدىك-جوسپارلىق جانە سىندارلى شەشىمدەر (قابىلدانعان كولەمدىك-جوسپارلىق جانە كونسترۋكتسيالىق شەشىمدەردىڭ سيپاتتاماسى); 7) تەكسەرۋ ناتيجەلەرى (جۇرگىزىلگەن تەكسەرۋلەردىڭ, انىقتالعان اقاۋلار مەن بۇزۋشىلىقتاردىڭ سيپاتتاماسى); 8) زەرتتەپ-قاراۋ ەسەبىنىڭ ناتيجەلەرى (قولدانىلعان ەسەپتەۋ باعدارلاماسىن كورسەتۋ, ەسەپتەۋ سحەماسىنىڭ سيپاتتاماسى, جۇكتەمەلەر جيناعىنىڭ كەستەسى, وبەكتىنىڭ ەسەپتىك مودەلدەرى, ەسەپتەۋ حاتتامالارى, تىرەۋ ەلەمەنتتەرىندەگى كۇش ءتۇسۋ سحەمالارى, ەسەپ ءبولىمى بويىنشا قورىتىندىلار); 9) بارلىق الىنعان دەرەكتەردىڭ ينجەنەرلىك تالداۋ; 10) قورىتىندى; 11) ۇسىنىمدار; 12) قوسىمشالار (فوتوماتەريالدار, ينجەنەرلىك-گەولوگيالىق سىناقتار بويىنشا قورىتىندى, گرافيكالىق ماتەريالدار, اتقارۋشىلىق ءتۇسىرىلىم, زەرتحانالىق سىناقتار حاتتامالارى, اتقارۋشىلىق-تەحنيكالىق قۇجاتتاما). 16. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ-قاراۋ جونىندەگى ساراپتامالىق قورىتىندىعا تەحنيكالىق زەرتتەپ-قاراۋ جۇرگىزگەن ۇيىم بارلىق اتتەستاتتالعان ساراپشىلارى قول قويادى, جەكە ءمورتاڭبا قويىلادى جانە ونى ۇيىمنىڭ ءبىرىنشى باسشىسىمەن بەكىتەدى. عيماراتتار مەن قۇرىلىستاردىڭ سەنىمدىلىگىن جانە ورنىقتىلىعىن تەحنيكالىق زەرتتەپ قاراۋ جونىندەگى ساراپتامالىق قورىتىندىعا تەحنيكالىق تەكسەرۋدى جۇرگىزگەن ساراپشىلار قول قويادى, جەكە ءمورتاڭبا قويىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 18 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12425 بولىپ ەنگىزىلدى.